राजधानीले कहिल्यै देखेन

उ त्यो गाउँलाई राजधानीले कहिल्यै देखेन।
त्यो टुप्पाको घरमा  पानीले कहिल्यै देखेन।

म त ब्रह्ममूर्तमा बेसी झर्छु र राती फर्कन्छु।
मलाई संतान संगै बिहानीले कहिल्यै देखेन।

यो चिसो बतास र  शिरेटोमा तातो ओलन।
जमेको दहिलाई  मदानीले  कहिल्यै देखेन।

मुग्लान पसेको थियो उ दुई छाक टार्नलाई।
गाउँलाई उसको जवानीले  कहिल्यै देखेन।

भँमरा आउँछ र चुसेर जान्छ क्रम जारी छ।
सुख्खा धर्तिलाई  बैमानीले कहिल्यै देखेन।

प्रकाशमणि खनाल
गोल्धाप-४, झापा.