गजल-काल मलाई लान्छु भन्छ

काल मलाई लान्छु भन्छ जिउँने कसरी।
अायु घटाई खान्छु भन्छ जिउँने कसरी।१।

झुठो वचन किन बोल्छौ लुकाई जीवन।
घोप्टो बनाई बान्छु भन्छ जिउँने कसरी।२।

अराजकता गरेका छौ तिमीले भुमिमा।
तिम्रो हृदय तान्छु भन्छ जिउँने कसरी।३।

हुन्छ हिसाब प्राणिमात्र जीवन अज्ञानि।
पापी घरमा जान्छु भन्छ जिउँने कसरी।४।

अमुल्य यो जिन्दगानी नष्ट लौ नपार।
पुण्य कमाउ मान्छु भन्छ जिउँनु कसरी।५।

प्रकाशमणि खनाल
गोल्धाप-४ झापा