गजल८८ फूलको सुगन्ध....

गजल-

फूलको सुगन्ध झरे पछि उडि जान्छ है।
समय गति ले जिन्दगानी संगै लान्छ है।१।

साथमा हातमा केही हैन प्यारो जिन्दगी।
चिताको खरानी धुँवा पनि सबै तान्छ है।२।

नश्वर जिन्दगी छोड्नु पर्छ हाम्ले बोकेको।
दाउरा जसरी अग्नि हाम्रो  तन खान्छ है।३।

जीवन बिताउँ हाँसी खुसी मिठो वचन।
एक आपसमा मित्रता को डोरी बान्छ है।४।

रफ्तार गतिमा चलेको छ काल यसरी।
"प्रकाश"पुञ्ज ईश्वरले ब्रह्माण्ड धान्छ है।५।

प्रकाशमणि खनाल
गोल्धाप- ४ झापा