गजल७४, रुठेको त्यो मुस्कानमा....

रुठेको त्यो मुस्कानमा हाँसो मगाउन सक्छु !
तिम्रो दुःख भए जति सारा भगाउन सक्छु!१!

गारो सारो काम पर्दा साथी याद गर मैया !
अगी पछी हरदम सधैं सगाउन सक्छु !२!

हरेस नखाउ तिमी आज जिन्दगानी देखि!
रमाइलो बाँच्ने इच्छा म नै जगाउन सक्छु!३!

एक्लो छैनौं संसारमा मात्र बोलाउन आज !
दोबाटोमा खोल्सा खोल्सी बोकी नगाउन सक्छु!४!

चाँदनी हौ तिमी मेरी मन हृदयमा राखी !
हिरा मणि तिमीलाई हार लगाउन सक्छु !५!

@ प्रकाशमणि खनाल