गजल८३, बाँच्ने इच्छा हुँदा हुँदै....

बाँच्ने इच्छा हुँदा हुँदै हामी मर्न सक्छौं!
अनायासै चितामाथी आफैं पर्न सक्छौं!१!

पल हुँदै जिन्दगानी गरौं  उपयोग !
गरीबको झुपडीमा सेवा गर्न सक्छौं! २!

भोकानांगा अपाङ्गछ आफ्नै स्वदेशमा!
खुशियाली सुख दिदैं दुःख हर्न सक्छौं!३!

शहर मा बसे लाग्छ सबै सुखै सुख !
जान्नलाई गाउँबस्ति तिर सर्न सक्छौं!४!

संग संगै  कुरा गरी मन लगाउदै !
दुःखसुख गरीबमा माया छर्न सक्छौं!५!

प्रकाशमणि खनाल
गोलधाप -४ झापा