गजल- लीला अपारै छ....

आशा राख्छु सधैँ यहाँ लहरमा लीला अपारै छ यो।
बोली हुन्न मिठो झनै जहरमा लीला अपारै छ यो।१।

बिर्से देश यहाँ मिठो जगतमा स्वार्थी बनेको सबै।
मान्छे पुग्छ सधैँ जसो शहरमा लीला अपारै छ यो।२।

दोषारोपण आजको मुलुकमा नेता पछाडी परे।
हाम्रो छैन कुनै कुरा ठहरमा लीला अपारै छ यो।३।

पन्छी आज अगी अगी गगनमा उड्ने पखेंटा लिदैं।
आयो छन्द नयाँ नयाँ बहरमा लीला अपारै छ यो।४।
छन्द शार्दुलविक्रिडित
SSS IIS ISI IIS SSI SSI S

प्रकाशमणि खनाल
गोल्धाप-४ झापा